Literatur idazlanak
EIAE^
Urrutiko gogo urrutirako gogo bizkorrez
kolore antzeman ezinen ondoren
harma era askotakoz
burruka-estrategia askotarikoz
edotariko teknikak geratu gabe berrituz
bidez bide Eulate: [I]
"Bideak bizi naute
ertz zihurrik ez duten
barruko bide luze
helburu gabeak.
Bideak hilgo naute".
Abstrakzio sarea bota dio kolore eskuragaitzari,
errealismu lazua bota dio
ta badoa
lortu nahi lukeenaren ondoren
koloreari mila modutako materia eskainiz
kolorearentzat materiaren mila egokitasun
entseiatuz
kolorearentzat aldare bila
urrutiko hodei gorriei begiemanez
urrutiko zabaldi garbiari
urdinkerak ikasiz
iritsi duena gutxietsiz
gero-ta plastika espresio sinpleagoaren bila
gero ta urruntasun sakonagoz.
Edizio kritikoa: Paulo Agirrebaltzategi
