Bitoriano Gandiaga

Literatur idazlanak

GRZ^

Abuztuak 24

San Luis Frantziako erregea
Bezperak

Gainean dugu iluna,
beltzez janzten da eguna,
otoitz-ordu ezaguna.
Bitartekari ipin dezagun
egun ospatzen duguna,
Luis santu errege jauna,
Jainkoaren hain laguna,
gozo ta errukiduna.

Ona ta on egilea,
otzana, bakezalea,
Elizaren mirabea,
ezin jasanik Lur Santuetan
islamaren uztarpea,
haiek askatze-nekea
izan du heriotzea
ekarri dion ajea.

Egunaren azken unez,
santuaren oroimenez,
haren heriotza- egunez,
bete gaitzazu guztiok, Jauna,
errege haren kemenez,
haren espiritu-senez,
denentzako maitasunez,
amaibako zorionez.

Amen.

Gaia 1: Gorazarrea
Edizio kritikoa: Paulo Agirrebaltzategi
Gipuzkoa.net-aren logoa