Bitoriano Gandiaga

Literatur idazlanak

AOB^

1- Lurretik nator, [I]
lurrean bizi naiz
eta lurrean hilgo.

2- Zuhaitzaren alde
burrukatzen dut
eta aidean bizi dut
nere izatearen
arrazoi bakarra den
zuhaitza.

3- Gainetiko izaki
guztiak bezala
bizitzaren legeari
menpeko bizi natzaio.

4- Lasaiago lurraren
mami uneetan,
estuago harrien
bitarte gogorretan.

5- Ahalegina deritzait,
sakondu-nahia, eutsi-gurea,
bizi-nahiaren erpe
urduriaren abanta*.

6- Ezinak bihurritzen nau
aldamenera jotzen dut
eta gero berriz barrentzen naiz
lurraren erraiak zehar.

7- Suge ilun naiz
ilunez aurrera
bizitzaren eske.

8- Ia beltza azalean
gero zuriago (1)

Gaia 1: Lurra
Azpi-gaia: Lurra: sustraiak
Edizio kritikoa: Paulo Agirrebaltzategi
Gipuzkoa.net-aren logoa