Bitoriano Gandiaga

Literatur idazlanak

Ik. Olerkiaren konposizio grafikoa .pdf formatuan

AOB^

Lurrak bere uzta eman du,
gure Jainkoak, bedeinkatu gaitu (66. Sal. 7).



Lurretik bizi gara lurrean:
lehorretik eta itsasotik.
Lurretik bizi gara lurrean:
lur-amak ematen digunetik.
Emankor da lurra, emankor;
bai itsasoz bai lehorrez
emankor da lurra, emankor;
ematen zaionari
esker oneko zaiolako
zein itsasoz zein lehorrez.
Onartzen du euria,
onartzen eguzkia,
onartzen du haizea,
onartzen lainoa.
Leorrez
onartzen du hazia
onartzen du goldea,
onartzen ongarria,
itsasoz onartzen du
arrantzaleen sarea,
Transatlantikoen bidaia,
onartzen du buru onez
dagiogun ongia
ta itzultzen du hartu duen
ehun holako hobaria
fruitu eta emaitza ederretan bihurtu
duen adei guztia,
Jainkoaren bedeinkapen
handiak eman dion
lehor eta itsasoko
ondasun bizigarri
oparo eta eztia.

Gaia 1: Otoitza
Gaia 2: Izadia
Edizio kritikoa: Paulo Agirrebaltzategi
Gipuzkoa.net-aren logoa