Bitoriano Gandiaga

Literatur idazlanak

AOB^

Jauna, Zeure aurrean naukazu. Begira
nazazu. Ez daukat zergatik ihardun nire
berrietaz Zuri. Zure begiontzako
izkuturik ez da. Naizen besteko nago
Zure begipean. Zeuk ikusten nauzuna
horixe naiz justu.

Begira nazazuntzat hurbildu natzaizu
bai baitakit Zure begion begirada
zein ongarria den: Naizeneon ikusten
nautelarik ere, ez naute begiratzen
errukirik gabe; horregatik dut maite
Zure begipea.

Hementxe belauniko, zutik, eserita,
etzanik, zabunka; jarrera [postura] dut aldatzen
gogorik ez, Jauna. Zurekin luzaroa
onuragarri da: ontasuna darizu,
osasuna zara. Onduko al nau Zure
begion graziak. (1)

Gaia 1: Otoitza
Gaia 2: Jainkoa
Edizio kritikoa: Paulo Agirrebaltzategi
Gipuzkoa.net-aren logoa