Literatur idazlanak
AOB^
Jainkoa ez dut arazo,
Jainkoa badut arazo;
Jainkoari buruz kezkak,
zalantzak ditut akaso.
Haurtzaroko Jainko hura
edo ta gaztetakoa
agian ahazturik daukat,
agian ez dut nahikoa.
Badut zerbaiten beharrik,
norbaiten beharra edo,
agian Jainko beharra,
hartara jarriaz gero.
Hoztasun-hutzikerien
barrutik ari natzaizu:
Jauna, aurki zaitzadala,
ongi iruditzen bazaizu. (1)
Edizio kritikoa: Paulo Agirrebaltzategi
