Bitoriano Gandiaga

Literatur idazlanak

AOB^

Jadanik ez gara asko,
baina ni oraindik leku
baztertu baten bizi naiz.

Mendiak, basoak eta
errekak ditut gertuan
eta fauna ugaria

Ez dut bizi hiri handi
horietako lehiarik,
geldia da giro hemen.

Pentsatzeko aukera dut,
kontenplatzeko astia,
baita estasiarako.

Ingurua dut laguna,
berarekin naiz aritzen
zabal, luze ta geldiro

Ur geldian puzpiluak*
sortzen diren antzeratsu
sortzen zaizkit hitzak noizka (1)

Gaia 1: Bizitza
Gaia 2: Izadia
Azpi-gaia: Bizitza: Esperientzia perts.
Edizio kritikoa: Paulo Agirrebaltzategi
Gipuzkoa.net-aren logoa