Bitoriano Gandiaga

Literatur idazlanak

AOB^

Ikusi nuen
etortzen
Jainkoa (1)
Elgea gainetik behera
Artaso-ko parean.

Ikusi nuen joaten (2)
presaka
erreka ertzera.
Errotan ehio zutela
ta Arantzazu-n jan
mezakoan
eta mahainekoan.

Ikusi nuen
jendea
aidean
Jainkoaren indarpean
joaten erreka zulora
haren txingarra itzaltzera.

Ikusi nuen berriz
Arantzazu
Artaso-ra
joaten.
Ta Eleiza
dolmen bihurtzen.

Ikusi nuen...

Begiak erre zizkidaten.

Edizio kritikoa: Paulo Agirrebaltzategi
Gipuzkoa.net-aren logoa