Bitoriano Gandiaga

Literatur idazlanak

AOB^

Ezin det ukatu zerurik.
Ortxe daukat borobil,
ortxe daukat unbil
—gorantz konkorturik—,
ortxe daukat zabalik.
Zerua ortxe daukat,
babesezko ustaidura [sic]
babesezkoz, zintzilik.

Ezin det ukatu. Goizero
zabaltzen zait, argi-
larrosa argi bat balitz,
argi aundiko argi
larrosa urdiñezkoz,
larrosa aundi irauli
argi urdiñez ustu-
ezin bat, bailitzaidake. (1)

Ortxe daukat zerua
zerutik zintzilik
—trapezista jaioa—,
eguzkiari bira
arku-aldeko zailla (2)
daragiolarik.

Ortxe daukat zerua,
oial beltzez jantzirik,
arri argiz dena,
krisaillu ordez maxkor
zuri bat arturik,
lo daudenengana
begira —ezin det ukatu—,
ama on bat bezela.

Gaia 1: Izadia
Edizio kritikoa: Paulo Agirrebaltzategi
Gipuzkoa.net-aren logoa