Bitoriano Gandiaga

Literatur idazlanak

ADKL

Arantzazu
Harkaitz eta harkaitzarte handiak,
elorrondo zahar bat eta aspaldiko Andre Maria harrizkoa,
frantziskotar fraile talde maratz bat
eta denetariko aleunka erromes maitagarri.

Arantzazu
Eliza nasai moderno ongi orekatu bat,
artista handien lan plastiko ikusgarriak,
tarte, gune naharo isiltasun zabaleko gardenak
eta transzendentzi giro eragingarria.

Arantzazu
Elizkizun gogoz eta patxadaz eginak,
aitortza eta gogoeta ordu nare astitsuak,
erromesentzat bizi den komunitate otoizlaria
eta herri iorantsu bat historia luzean gora.

Bitoriano Gandiaga

Gaia 1: Arantzazu
Edizio kritikoa: Paulo Agirrebaltzategi
Gipuzkoa.net-aren logoa