Bitoriano Gandiaga

Literatur idazlanak

AOB^

Zeure bizitza santuko
pausoak ditugu, Jesus,
ospatzen lurrean zehar.

Gizon eta emakumeen
alde egin zenituen
egintza bedeinkatuak.

Zeure pausoak kantatzen
ditugu lurrean zehar
pauso errukiz beteak.

Lurrean zehar zabaltzen
ditugu gure begiak
munduko jendeengana.

(Zeure begi errukitsuz
begiratzen dugu, Jesus,
gizon-emakumeengana). (1)

Zeure begiz begiratzen
ahalegintzen gara, Jesus,
zeure begi maitasuntsuz
zeure begi ta belarriz
jartzen gara lur guztiko
giza jendearengana. (2)

Zeure bihotz errukitsuz
hurbildu nahi dugu Jesus
behartsu guztiengana.

Gaia 1: Otoitza
Gaia 2: Jesu Kristo
Azpi-gaia: Jendea: Elkartasuna
Edizio kritikoa: Paulo Agirrebaltzategi
Gipuzkoa.net-aren logoa