Bitoriano Gandiaga

Literatur idazlanak

AZK^

Zatozte, gurtu (1) dezagun
bakearen Erregea,
apalik dago ta gozo
Jainko Haur salbatzailea;
Jainko Haur salbatzailea,
Bakearen Erregea.

Jainkoaren guganako
onginahi haurtxo egina,
dena zara pozgarria,
dena zara atsegina;
dena zara atsegina,
Jainkoaren guganako
onginahi haurtxo egina.

Kristo, Jainko biziaren
guganako maitasuna,
handia da demaguzun
zerutar gozotasuna;
zerutar gozotasuna,
Kristo, Jainko biziaren
guganako maitasuna.

Maria Birjinagandik
jaio da Seme Jainkoa
giza haragiz jantzia,
haur errukarri frankoa;
haur errukarri frankoa,
Maria Birjinagandik
jaio da Seme Jainkoa.

Jauna gurekin deritzo [I]
argitik argi denari,
Jainkoaren Seme bakar
gizon arrunt eginari;
gizon arrunt eginari,
Jauna gurekin deritzo
argitik argi denari.

Gaia 1: Gabonak
Gaia 2: Jesu Kristo
Edizio kritikoa: Paulo Agirrebaltzategi
Gipuzkoa.net-aren logoa