Bitoriano Gandiaga

Literatur idazlanak

AOB^

Agur, Maria, Jaunaren
hitza sinestu duzuna;
agur, graziaz betea;
agur, Jaunaren hitzari
baietz esan diozuna
. [Zugan haragi egin da /
adierazi zaizuna].

Ezinena zirudien
bera sinestu baituzu;
fedeak zaitu amatu;
Andre guztien artean
bedeinkatua zara zu.

Hitzaren Santa Maria,
sinestunetan aurrena, [entzuten jakin duzuna]
bera baita gauza handiak
zugan egin dituena.

Jaunaren errukia du
zure arimak goresten, [goresten zure barrenak]
Santua haren izena;
harroak ditu zapuzten [eraisten]
ta ezerezak onesten [jasotzen]. [I]

Sinestu duzuna zara,
Sinesten dutenen Ama,
Jaunaren hitzaren aintza;
dohatsu Jaunak esana
egintzat eman dezana.

Gaia 1: Otoitza
Gaia 2: Andre Maria
Edizio kritikoa: Paulo Agirrebaltzategi
Gipuzkoa.net-aren logoa