Bitoriano Gandiaga

Literatur idazlanak

Ik. Olerkiaren konposizio grafikoa .pdf formatuan

ARAN^

Gabonak —gabon-jaiak—,
urtero bezela, pozgarri,
aide ilusiozko garbiz,
ilusio-aide ta egi
egiazko guriz,
gabon jaiak, eragin
jainkozko zoragarriz,
ba-datozkigu berriz,
berrizko berritasun
beti-berrizko-zoriz.

Gabonak
mandatu ta grazi
bizitzazko joriz
dena ta denok, berrien berriz
eraberritugarriz,
aldi
berriz lillurazko berri bat
berriro eskeñiz,
bidean ditugu bimillagarren aldiz,
ain berri aurten,
ain berriz.

Gabonak bidean ditugu (1)
eta, aien
udalen
-ikutu gozatsu gozoa
ontasun-izerdi barrutikako bat (2)
ari zaio biurtzen
gure ta gauzen
bizitza-zerari.

Gabonak
bidean ditugu berri [sic, berriz?]
ta berriz
beren
ontasun ongillezko aundiz
gozoro ikutzen gaituztelarik guztiz,
Gabonak.


________________

AAF^

Donosti-ko Juan Martin Alegria-ri

Gabonak —gabon-jaiak—, [I]
urtero bezela, pozgarri,
aide ilusiozko garbi
bat dariotela,
gabon-jaiak ba-datozkigu,
berrien berriz,
berri eta argi.

Gabonak,
berez duten aurtasun-giro ta grazi
aur-biurgarriz,
dena ta denok, berrien berriz, umetugarriz,
aldi
lillurazko bat irikiz,
lurrean ditugu
jadanik;
ain berri aurten,
ain berriz.

Gabonak lurrean ditugu
ta, aien
ikutu gozatsu gogoa
ontasun-usai bat
ari zaio eransten
gure bizitzari,
lurrari,
mundu osoari.

Gabonak
lurrean ditugu
berri
ta berriz
beren
ontasun onegillezko aundiz
gozoro ikutzen gaituztelarik,
gabonak.

1967-go Gabonillak 23

Gabonen ontasun onek gero ta geiago ikutu ta girotu zaitzatela zu ta gogoan ditudan zuren etxekoak, opa dizu gaur, zure

Fr. Bitoriano Gandiaga

Gaia 1: Gabonak
Edizio kritikoa: Paulo Agirrebaltzategi
Gipuzkoa.net-aren logoa