Literatur idazlanak
K4D^
Alleluia! aldarrikatzen dugu (1)
bai-eta ospatzen
Kristo berpiztu horren
bizitza berria.
Alleluia! Alleluia! Alleluia! (2)
Nazareteko Profeta Jesus,
Berrionaren Maisua,
habean gurutzatua
hil eta hobiratua
piztu zara-ta desegin duzu
heriotzaren forua.
Alleluia! aldarrikatzen dugu...
Zure gorputza ez da jadanik
natur legeen gatibua,
gizon sorraren modua,
trinkoa eta pisua: (3)
lehendanik hona zeharo duzu
aldatu bizi taiua. (4)
Alleluia! aldarrikatzen dugu...
Besterik zara piztuz geroztik,
ez zaude deusi lotua,
zeargia ta zalua
berpiztua, bersortua,
Jesus ta Kristo beti guztiko
Jaungoikoaren Santua. (5)
Alleluia! aldarrikatzen dugu...
Edizio kritikoa: Paulo Agirrebaltzategi
