Bitoriano Gandiaga

Literatur idazlanak

OLCD^

Ederra sua gabonez
berotasun gozoenez
haren jiran familia
elkarrentzat bihotz onez.

Suari nahi diot kanta
sua nahi dizut goraipa
ezer bada-ta Gabona,
Suaren gai-gaua da ta.

Hotza kanpoan eta
Su ederra barruan
han dakusat Orbelaun
baso-sailen erdian
sutondo bete pozez
baso-sailen erdian.

Giro bero argian
aldian behin, tantoka
noizeanka ta gozo
diontxo hura entzun
ahala dena glorian
ahala dena glorian.

Berriro Eguberri
argia gaineratuz
Esperantza ahulari
Berriro Eguberri
zuzperkuntzara deituz
arima atsiari [sic, etsiari?].

Berriro Eguberri

bizi-ertzak zabalduz
mugalde berriz berri
hurbil eta pozgarri
eskaintza ta promesa
Berriro Eguberri.

Txit konforme ta xalo
han dago familia
guztizko armonian
Gabon-sua nagusi
deneko barrutian.

Gaia 1: Gabonak
Azpi-gaia: Gabonak: Sua
Edizio kritikoa: Paulo Agirrebaltzategi
Gipuzkoa.net-aren logoa