Bitoriano Gandiaga

Literatur idazlanak

OLCD^

Eguzkiaren ama, Gabon gau,
Sua erditzen duzuna,
iguzu berriz Gaboneroko
Su berriaren iharduna;
argi berrituz goza ezazu
begien gandu zurruna,
ikusmen berriz ikus dezagun
berriz dakarzun eguna.

Gabonerako mukur* eiharrak
bildu ohi zituen aitak;
laratz azpian oroitzen ditut
su biziaren txinpartak;
arrosarioz zituen amak
ontzen gisatu ta saltsak;
Oi, lurretik hain gertu ginenon
Gabon bero ta aratzak.

Gaia 1: Gabonak
Azpi-gaia: Gabonak: Sua
Edizio kritikoa: Paulo Agirrebaltzategi
Gipuzkoa.net-aren logoa