Bitoriano Gandiaga

Literatur idazlanak

GDA^

Gabon eta Gabon-jaiak
Belendik geuganaino;
Zerutik lurreraino
Salbaziozko berriak.

Gabon eta Gabon-jaiak
Jaungoikoa medio,
Behingo erremedio
Erredentziolariak.

Gabon eta Gabon-jaiak,
Aidean eta gertu,
Grazia [grazien] sakramentu
Isurian irekiak.

Gabon eta Gabon-jaiak,
Eragile ta galant, [Denontzat eta denentzat]
Pareko guztientzat
Pare gabe eskainiak.

Gabon eta Gabon-jaiak
Grazia eta grazia, (1)
Ari du —aleluia—
Grazi oneko euria.

Gabon eta Gabon-jaiak.
Badihardu gloria
-Erasoak han hemen:
Busti gaitzala tanten

Tintilitantez, amen;
Zeren eta datozen
Gabongo jaien Belen
-Airea hain den danen

Denen dinengo donen
Dunen ta ez dutenen
Dan den din don dun dulun
Jaungoikozko guren.

1970

Gaia 1: Gabonak
Edizio kritikoa: Paulo Agirrebaltzategi
Gipuzkoa.net-aren logoa