Bitoriano Gandiaga

Literatur idazlanak

K4D^

Dezagun argia piztu (1)
bizibidea delako.
Etorkizunak argia
bistan behar duelako,
argia behar da piztu
argi faltan gaudelako.

Piztu dezagun argia,
piztu ilunak urrunduz.
Piztu dezagun argia
esperantza iziotuz.

Gorantz jaio eta jagi,
egun hobedun mundurantz,
nahiak eta esperantzak
laguntzen digu aurrerantz.

Ostantza* sutuko (2) dugu
esperantzaren ilentiz;
jadanik hodei ta mendi
jantziz doaz egunsentiz.

Argia dugu sortuko,
argi-festa ospatuko;
argitan dugu mundua (3)
eraiki eta finkatuko.

Gaia 1: Otoitza
Gaia 2: Bizitza
Azpi-gaia: Bizitza: Argia
Edizio kritikoa: Paulo Agirrebaltzategi
Gipuzkoa.net-aren logoa