Literatur idazlanak
GRZ^
Azaroak 17
Hungariako Santa Isabel
I
Hungariako Isabel,
errege-alaba prestu,
gazterik ama ta_alargun,
munduko gauzak utzirik,
Kristogan zinen babestu.
Horra zu pobre, horra zu
txiroei emana guztiz,
San Frantziskoren antzera;
behartsuenengan Kristo
maitatuz erruki eztiz.
Handikien abusuak
maiz zenituen salatu
ta_injustiziak gaitzetsi;
aldiz, herri xehearen
alde zenuen jokatu.
Artizarraren antzeko
munduko ilunpean zu,
maitasun-sutan argia,
gaixo ta txiroekiko
zerbitzaritzan dohatsu.
Utzi zenuen koroa
ta erregina-mantua
itzuli zizkizun Kristok;
gaur zeruko aintzaz zaude
jantzia, Isabel Santua.
Diren guztien sortzaile
Aitari aintza, ta Seme
Aitaren irudiari, (1)
aintza pozemailea den
Espirituari ere.
Amen.
Gaia 1: Gorazarrea
Edizio kritikoa: Paulo Agirrebaltzategi
