Bitoriano Gandiaga

Literatur idazlanak

Egan^

Desagertu birtute
ederrak hain baitira,
ikus dezagun Belen;
gagozkion begira.


Ikusi makusi.
Zer ikusi?
Ikusten, ikusten,
a, a, a.

Jaunak gugatik egin
duen miraria:
Hitza gizon egin da
hartuz haragia.
Hitza gizon egin da.

Desagertu birtute...

Ikusi makusi.
Zer ikusi?
Ikusten, ikusten,
e, e, e.

Gezurra zabal dabil
orain eta hemen.
Egia bazterrean,
Egia Belenen.
Egia bazterrean.

Desagertu birtute...

Ikusi makusi.
Zer ikusi?
Ikusten, ikusten,
i, i, i.

Hemen harrokeria
ari da nagusi.
Egia apala da,
pobre ta biluzi.
Egia apala da.

Desagertu birtute...

Ikusi makusi.
Zer ikusi?
Ikusten, ikusten,
o, o, o.

Egun injustizia
bizi da oparo.
Egia justua da,
astanduta* dago.
Egia justua da.

Desagertu birtute...

Ikusi makusi.
Zer ikusi?
Ikusten, ikusten,
u, u, u.

Guk behingoan ohi dugu
zuritu nahiz beztu.
Egia zintzoa da,
faltsiarik ez du.
Egia zintzoa da.

Desagertu birtute...

Abendua, 1986.

Gaia 1: Gabonak
Edizio kritikoa: Paulo Agirrebaltzategi
Gipuzkoa.net-aren logoa