Literatur idazlanak
ABG-1^
Nora bota dugu poza?
Serio dabil jendea. [I]
Zein gaitzek ote du harjo
bizi-indarraren lorea?
Bizi-indarraren lorea
barruko argi gabea;
maskal eta kopetilun,
serio dabil jendea.
leiho eta ate zabalduz
egurasten da etxea.
Zer arraiok du erauzi
pertsonen irribarrea?
Nazkatua ugaldu da,
kezkatua, triperrea.
Kezkatua, triperrea,
barruko argi gabea;
zerbait ilunek ito du
pertsonen irribarrea.
Leiho eta ate zabalduz
egurasten da etxea.
Edizio kritikoa: Paulo Agirrebaltzategi
