Bitoriano Gandiaga

Literatur idazlanak

AOB^

Haizeņo haize berria
zabaldi zeargiz* eder.
Andre Maria Martiko! (bis)
Lurra erditzear laster [bis] (1)
udalehen baruza* laster.

Zeruen garbiz jaseko*
mirua ta saiarrea
Andre Maria Martiko (bis)
Txapartegi bakoitzeko
txorien maitazarrea.

Zuhaitzak argitan gora,
belarrak zuti ta guri
Andre Maria Martiko (bis)
zerbait goxok poz-hartzera
zein daragidan limuri!

Bizitza ari da lurrean
izakien esnagarri
Andre Maria Martiko
Bizidun orok zoramenezko
erantzuna du aldarri.

Gaia 1: Izadia
Gaia 2: Bizitza
Azpi-gaia: Bizitza: Esperientzia perts.
Edizio kritikoa: Paulo Agirrebaltzategi
Gipuzkoa.net-aren logoa