Bitoriano Gandiaga

Literatur idazlanak

GDA^

Ezer gutxi zara,
hala da gizona;
deus gutxi da beti: (1)
alferrik Gabona.


Ez da giro, baina
haitik beharbada, (2)
gizonen amorez
gizon egin zara.

Ezer gutxi...

Gizonak gizona
ez du aintzat hartzen.
Zu, ostera, Jainko,
gizon zara jazten.

Ezer gutxi...

Hainbestean zara
gizon jantzi, Jainko,
non ez den fijatzen
Zugan inor asko.

Ezer gutxi...

Alferrik Gabona,
ene Jaun hain ona,
gizonentzat ez da (1)
deus asko gizona.

Ezer gutxi...

1984

Gaia 1: Gabonak
Gaia 2: Jesu Kristo
Edizio kritikoa: Paulo Agirrebaltzategi
Gipuzkoa.net-aren logoa