Literatur idazlanak
AOB^
Bizi naizen artean
bizitzari aiduli*
nahi nuke guztiz bizi
oinetatik burura
muinetik azalera
nabari dudan hura
ohartuz, begiratuz,
dastatuz lehiatuki
Bizi naizen artean
bizipenaren gili*
oro nahi dut goretsi
Bizitza hain da eder,
hain da gustagarria,
hoberik ez da ezer,
mirari atsegin hau
eskertuz nahi dut bizi
Bizi naizen artean
behar dut lehendabizi
bizitza hoberitzi
guztia bizitzaren
zerbitzan [sic] erabiliz
ahalik eta treberen (1)
Edizio kritikoa: Paulo Agirrebaltzategi
