Literatur idazlanak
UBM-1^
Madrile alde batean,
Karabantxel bestaldean;
Madrile alde batean,
Segobiako zubia
Manzanaresen gainean.
Trafikua gorabehera,
ikara gabe begiak;
iskamila gorabehera,
urera begira dirau
begi zabalez zubiak.
Ur geldien ibarrera
heldu naiz Madrilez behera;
ur geldien ibarrera,
zubiak halako begiz
urari begiratzera.
Iturri zolitan zoli
Gurutzeko Jonen Plazan;
ibili zolitan zoli,
egonean datza orain
geldi adinbat ireki.
Islatzen du ingurua,
juxtu ta arin trafikua;
golkoan du ingurua, (1)
ezarian gozaratuz
gauzen errainu malgua.
Manzanaresen gainean,
Segobiako zubian,
Manzanaresen gainean;
Madrile utzi orduko
betiko gauzen aurrean. (2)
Gaia 1: Hiria
Edizio kritikoa: Paulo Agirrebaltzategi
