Literatur idazlanak
ABG-1^
Zuriak, zurizko zuritan,
amaren oillandak [ollandak], zelaian,
amaren oillanda [ollanda] zuriak,
txirita-txiribi garaian.
Zogiko esmeral barrian [berrian], (1)
madari-ondoa loretan
ta amaren oillanda [ollanda] zuriak,
zelaian, madari-lorezko
edurreta alako alaian,
txirita-txiribi garaian.
Ta aidean, aideko abaian,
«karaka»-kantuen argia
-ta aidean, madari-ondoko (2)
usaiña t'oillanden [ollanden] kantuen
pozkida, zurizko deslaian.
Zurien aidetan zelaia
zuritan goratuz, ta amaren
oillanda [ollanda] zuriak, madari
-ondoko edurreta alaian,
txirita-txiribi garaian.
Eguzki begiko ziietan*
uretik-alako liñuzko
zapiak alako zuriak,
amaren oillandak [ollandak] zelaian,
amaren etxalde arraian,
txirita-txiribi garaian.
«Purra neuretxuok». T'egoiak,
furrustan, altxatu leikezan
liñuzko zapien antzean,
alai ta atseginkor ta aidean,
ilusiño zuri talde bat
bailiran, egada abarrean,
oillandak [ollandak] amaren aldean,
txirita-txiribi garaian.
Eta ama, pozarren, madari
loratu azpian, eta ama
oillanda [ollanda] zurien artean
eta ama, Launbeor (3) zaarreko
etxalde argian, illargi,
madari-lore ta liñuzko
edurreta alako alaian.
T'oillandak [ollandak] eta ama zelaian
eta ama t'oillandak [ollandak] eta ama,
txirita-txiribi garaian.
