Bitoriano Gandiaga

Literatur idazlanak

HGB-2^

Eguzkiz eta itsasoz
igari joan naz.
Itsasoko landak
bai landa bigunak!
«Zer linu-soloa»
inoen asabak.

Zer haragi lehuna
duen itsasoak.
Zangoei, besoei
eraginez, laban
irristan joan naz.
Zangoei, besoei,

eraginez, urak
lehun hartzen ninduen.
Baeustan bizkarra
aparrez gozatzen.
Baninderabilen
jaso ta eratsi,

ohe lehun batean
amak ume bat lez,
amak ume bat lez
ninderabilenez,
eguzkitara ateraz,
uretan murgilduz.

Eguzkiz eta itsasoz
igari joan naz
—une batez, Jonas—.
Joango nintzake
—Ninive-z bildur naz—
itsasoko urakaz. [I]

Edizio kritikoa: Paulo Agirrebaltzategi
Gipuzkoa.net-aren logoa