Bitoriano Gandiaga

Literatur idazlanak

Hegats^

Egunsentiak nau pizten,
kandela pizten den legez,
egunsentiak konortez
pizten nau egun bakoitzez
mirari halako batez.

Zer gauza iratzartzea
konortera etortzea,
banaizela ohartzea,
berriz ere norberaren
Akordura bihurtzea!

Egun berriz egun berri,
ezusteko erregali
bat bateko ta pozgarri,
iratzartze bakoitza zait
bakoitz eta txundigarri.

Gaia 1: Izadia
Gaia 2: Bizitza
Azpi-gaia: Bizitza: Esperientzia perts.
Edizio kritikoa: Paulo Agirrebaltzategi
Gipuzkoa.net-aren logoa