Bitoriano Gandiaga

Literatur idazlanak

ARAN^

Zeru kontuak diñotsoz amak
mosu artean semetxuari.
Semeak ames-eztia dagi
zeru ta mosu lore gurenez.

Txori-kumien ega-yoranez [ioranez]
begitxu biak iñoiz amari
iñoiz zerura darabilz aurrak,
zeru-munduen tarte urdiñak [oztiñak]
neurtu gurarik.

Ama deunari bular ganean
buru txikiaz bultza dagio
malko argiak ezkutau naitan.
Zerua urrun erizten iako.

— Ama, zerua urbil ba-lego,
zerura jungo nintzake.
Neure amatxu, zeruetara
iñundik igon leike [leiteke]?

— Nik, ama maite, zerura nai dot.
Zeru biderik ba lego! [Araiño nundik joango?]
Ama, mundutik zeru ederra
iñun urrean ba-dago?

— Bai, semetxua, Arantzazutik;
andixik dago urrean.
Antxe sartu zan San Iñazio
zeruetako bidean.

— Ama, goazen Arantzazura.
Ama, goazen zerura.

Gaia 1: Arantzazu
Gaia 2: Andre Maria
Azpi-gaia: Arantzazu: Erromesak
Edizio kritikoa: Paulo Agirrebaltzategi
Gipuzkoa.net-aren logoa