Literatur idazlanak
ELRL^
Santuetan maitien zeu zaitut, Aita, nik. (1)
Zeu zaitut gizonetan gaillentzat joenik.
Zu beti gauzen gaiņez, zu beti garbirik,
buztiņatik azke ta [azakatu,] egodun, jasorik.
Zu etziņan ibilli aragi ondoren.
Zuk jakin zendun griņak ondo eroaten.
Zuk etzendun gauzetan zer txarrik ikusten.
Dana maite zenduan danon Jainkoarren.
Zuk etzendun ikasi jakite aundirik.
Etzendun ezagutzen Kristotzaz besterik.
Zuk etzendun billatu egundo aumenik [iņoiz zeure aintzik].
Jainkoaren ederra nai zendun bakarrik.
Oso-osoan gustatzen zaiataz, Aita min.
Zu goian ikustea zer iatan atsegin!
Antz osoa daukazu Jesus Biztuakin
zeure ontasun eta zauri bikaiņokin.
Zer begi alaiakaz zaitudan ikusten,
eder jo neban goirantz aurretik joaten.
Mendi-erripa gatxez bidea, jagiten...
Arratsalde gorria. Ni zeure ondoren.
