Bitoriano Gandiaga

Literatur idazlanak

ELRL^

Goian.
Goia baiño gorago,
goian dago.
Illaun, alai,
oiñen puntekin aidea oztaz ikutuz.
Sustrai zuriz,
argizko eukalitu bat
arantz, onantz,
erdi altua
gozokiro edegiz.
Txoriak astrapalan,
ego barriz,
goian,
goia baiño gorago.

Lerro bitan
txoriak indar-
alanbretan,
gora ta bera
kulunkan.
Lerro bitan txoriak
puntuan.
Orain, egaka nastuan.
Txori ego-barriak
aspertu ziran
kulunkan. (1)

Goian dago
dantzan, dantzan,
beatzen puntan,
alde bietara
kulunkatzen dala.
Badabil, badabil.
Burua zainduko dau.
Burua alde bietara.
Kulunka
begitu dau lurrera.
Argiaren larrosa barrutik gora [bera]
eroriko da [ez da eroriko gora]
goraiño [gora baiño]
[gorantz erori...]. (2)

Txoririk ez gorago.
Utsaren bizkarrez,
zaratarik gabeko
eukalitu otsez,
arratsalde-azkena
erditik edegi dau
begiak ura lez,
gurarizko oiñetako
beatzen indarrez.

Zabalaren erdian,
geldi, zuzen-zuzen,
oiñak aratz, gero,
dana garden.
Antxe biziko da
beti, beti baten
goitik [betik] gora geiago
kulunkatzen.

Antxe.
Antxe-luzaro
artantxe.
Geldi bai ibilli,
ibilli bai geldi
geldituan,
kulunkari,
gotiku garbi
dantzari.

Gorazkada [Berazkada] bategaz (3)
goratu zan goiti.
(Guzur irauli!). (4)
Gorazkada [Berazkada] bategaz
eldu iakon goiari,
lirauli.

Zaldiak lauankan
odeien ganean.
Zaratarik ez dago
goien barrenean.
Gelditutako geldi
zerbait, kulunkari,
bakarrik begian.

Bi ziran, bi,
ta biak igesi.
Ikusi badotaz be
ez dotaz ikusi.
Zabalaren erdian,
txutxi-muxi,
malko diralakoak.
Biak neure begi.
Egaz jarraitu eutsien
arimari.

Gaia 1: Izadia
Azpi-gaia: Izadia: hegaztiak
Edizio kritikoa: Paulo Agirrebaltzategi
Gipuzkoa.net-aren logoa