Bitoriano Gandiaga

Literatur idazlanak

P1Z>

Andre Maria Belengo,
Jesusengana zaudena,
ez ahaztu Haren aurrean
zure premian gaudena.

Santa Maria, Jesusen
Ama gozo maitetsua,
geuk ere nahi dugu zure
begiratu gozatsua.

Andre Maria Belengo,
Jesus hain maite duzuna,
zu Jesusen ama zara
ta Jesus zure kutuna.

Egiozu gure alde
Jesus zure maiteari,
zaitez gure abokatu,
gaisuon bitartekari. (1)

Andre bedeinkatu hori,
zeuri deiar ari gara,
Jesusi esker geu ere
zeure semeak baikara.

________________

JSG^ (ahapaldi bakarra)

Ruega por nosotros
a tu Jesús querido;
sé nuestra abogada
e intercede por estos pobrecitos tuyos.

Gaia 1: Gabonak
Edizio kritikoa: Paulo Agirrebaltzategi
Gipuzkoa.net-aren logoa