Bitoriano Gandiaga

Literatur idazlanak

ABG-1^

Egun zabala eguzkiz.
Zugaitzak zabu* orlegiz,
aizea landak igurtziz.
Eta elaiak irririz.

Eta garitza beillegiz,
erlus*-uyolak (1), urduriz,
mari-gorrien aitzakiz.
Eta txiritak, eta txiritak
eta txiritak txiribiz.

Eta sasoi ta pozkariz,
segalariak belardiz,
arri ta burni-gorantziz.
T'arto ta babak [ta arto ta babak] landara-kondo ,
ta, alkarganako maitariz [ta arto ta babak maitariz].

Ta poxpoliña, arrandiz,
mokil eta ildoen ozkirriz,
"botan bost" baietz ozenkiz.
Ta ale gorriak gereziz ta ale [ta ale gorriak]
ta ale gorriak sagastiz [sugaztiz].

Eta San Juan-sugarriz, (2)
eskola-umeak, bereziz,
zantzo-gurazko karraxiz.
Eta langillez soro naroak [Eta soloak eta lantzarrak*]
eta bideak buztarriz*.

Eta kakoak zitoriz*,
milla ]zuri] zurizko mirariz,
etxeko-andrak goretsiz.
Ta uda [udara] apaiña ta uzta betea [naroa] (3)
ta itxaropena baserriz.

Gaia 1: Urtaroa
Gaia 2: Sanjoan
Azpi-gaia: Urtaroa: Uda
Edizio kritikoa: Paulo Agirrebaltzategi
Gipuzkoa.net-aren logoa