Bitoriano Gandiaga

Literatur idazlanak

AOB^

Bizitzaren Jainko,
izaki oro
izakizkoz jantzi
duzu
ta bizidun oro
bizikizkoz;
egitea eta eragitea
darizkizu-
-dagozkizu
egite eta eragite
etengabekotan;
ibilian darabilzula dena
betidaniko ihardutean dirauzu,
sortu duzunari
bere bidea jarrai dezan
zirkina erantsi diozularik,
sorkari bakoitzari dagokion
abiada zainduz,
izaki orok bere bidea ibili ahal dezan eginez,
bizidun orok bere bizimodua bizi ahal dezan lagunduz,
gizaki orok gizatasuna bizi ahal dezan nahiz;
gizatasuna biziz, goza ta laztandu dezan irrikatuz;
gizatasuna ikasi eta irakas dezan
agintzen aspertu gabe ta aspertzeraino aginduz;
gizatasuna izaki orok bizitzazko betetasun dezan,
Zeu Jainko bizi horrenganako
esker on eta atseginezko
gorespen kantuz bizitzeraino.

Gaia 1: Otoitza
Gaia 2: Izadia
Edizio kritikoa: Paulo Agirrebaltzategi
Gipuzkoa.net-aren logoa