Bitoriano Gandiaga

Literatur idazlanak

AOB (makinazkoa)^

Untzak esan zidan,
mihurak esan zidan,
odoldiak esan zidan:
óZer egiten dut nik
inoren bizkarretik [lanetik] bizi
besterik? (1)
Hormak bizi nau,
sagarrondoak [zuahitzak] bizi nau,
lurrak [pagadiak] gordetzen duen
ezetasunak bizi nau.
Eta horma zaharrak ez zuen
ale beltxetan
sosoek [sic] eta birigarroek
jana arkitzen zuten
untzaren horri tartetan.
Horririk ez sagarrik ez zuen
sagarrondo biluzitan
mihura-ale argiak
jaten zituten xoriak [sic]
neguko goiz hotzetan. (2)
Udarako beroetan
perretxiku gozoak
hartzen zituen artzaiak
pagadiko odoldi bigunetan.

Nork esan dizu untza, (3)
nork esan dizu mihura,
nork esan dizu odoldi
inoren bizkarretik bizi
zaretena bakarrik?
óZergatik hartu zaitu
hormak bere bizkar?
galdetu nion untzari.
óZergatik hartu zaitu
sagar-ondoak bere adarretan?
galdetu nion mihurari.
óZergatik hartu zaitu
lurrak bere gainean?
galdetu nion goroldioari. [I]

Gaia 1: Izadia
Gaia 2: Bizitza
Edizio kritikoa: Paulo Agirrebaltzategi
Gipuzkoa.net-aren logoa