Literatur idazlanak
EIAE^
Zaratarik gabe, espanturik gabe,
ikusten duena lau-lau kontatuz
ikusi nahi lukeena gozokiro kantatuz,
begiak eskuan,
xalo eta mazal,
gauzen edertasunari adi,
gustagarri dakigukena
materiale askotarikotan ezarriz,
lerro egoki, dotore eta gozatsuz,
kolore apal, soil eta erabakiz,
zizelkada maitetsu, zehatz, eta lerdenez,
marrazki, pintura, beiraleiho, mosaiko, eskultura sail
sailada luze onezkoaren egile liriko —"nahikoa dugu,
zoritxarrez, bizimoduak egunero agertzen digun
gogorkeria", esan ohi du—,
bizikera gozatsuago baten mandatari apatz,
gozotasun katekesia ari digu Iriondok.
Edizio kritikoa: Paulo Agirrebaltzategi
