Literatur idazlanak
AOB^
Zergatik ez dakigula
aurkitzen gara tristerik
zergatik ez dakigula
poz eta gogo gaberik
barrutik azaleraino
nazka nabarrez ustelik.
Zergatik ez dakigula
aurkitzen gara ernerik
zergatik ez dakigula
kementsu eta tenterik
ezin menderatu dugun
pozaren pozez beterik.
Aurkitzen gara tristerik
zergatik ez dakigula
aurkitzen gara ernerik:
ez da ahuntzaren eztula
kontrolpean ez dauzkagun
gure gorabeheren burla.
Edizio kritikoa: Paulo Agirrebaltzategi
