Literatur idazlanak
JML^
Arantzazuko mendiak
Aloņa eta Artia. [I]
Haitz eta larre Aloņa,
Artia baso hertsia;
Artia baso hertsia,
itzaltsu eta handia.
Arantzazuko mendiak
Aloņa eta Artia.
Zuhaitzez, belardiz, haitzez,
tarteko zabal guztia,
hango ta hemengo etxe
banaka batek jantzia.
Arantzazuko mendiak
Aloņa eta Artia.
Artia aspaldi zaharra,
Aloņa garai berria;
bien arteko erreka
bien arteko zubia.
Arantzazuko mendiak
Aloņa eta Artia.
Artia lotaratua,
Aloņa iratzarria, [II]
Aloņa eraikin berri,
harri zaharrez eraikia.
Arantzazuko mendiak
Aloņa eta Artia.
Artiaren ainuberantz*
Aloņaren ibargia*.
Aloņak begi-bistan du
Artiaren edestia.
Edizio kritikoa: Paulo Agirrebaltzategi
