Literatur idazlanak
AOB^
Hormak bizi nau,
esan zidan untzak.
Sagar-ondoak bizi nau,
esan zidan mihurak.
Lurrak gordetzen duen
ezetasunak bizi nau,
esan zidan goroldioak.
— Zer egiten dut nik
esan zidan untzak,
inoren bizkarretik
bizi besterik?
— Zer egiten dut nik,
esan zidan mihurak,
inoren bizkarretik
bizi besterik?
— Zer egiten dut nik,
esan zidan goroldioak,
inoren bizkarretik bizi besterik?
Edizio kritikoa: Paulo Agirrebaltzategi
