Literatur idazlanak
AOB^
Hor zatoz,
bizkarrean
mendiko sermoia duzula:
"Zorionekoak, behartsu zaretenok"
"Baina zoritxarrekoak zuek, aberatsok".
Sermoi hori
gizaki orori
egitera zatoz.
Ez zatoz haserre,
serio zatoz halere.
Batzuei zoriontsu
deitzen diezu,
besteei zoritxarreko.
Sermoi hori
ez da, ostera,
gizadia banatzeko,
baizik banatuta dagoela
salatzeko.
Justiziaz kontrako banaketa gaitseziz,
Justiziaren aldeko batuketa onetsiz,
hor zatoz zorionekoetan lehenengo
gurutzea eraman
beharko duzunerako
bizkarra egokituz
jaio zarenerako. (1)
Gaia 1: Jesu Kristo
Edizio kritikoa: Paulo Agirrebaltzategi
