Literatur idazlanak
ABG-1^
Aitaren Hitz, Aitaren
irudi ta Seme,
Aitaren berdin zara,
Jaungoiko zeu ere.
Giza jantzian zatoz
Jaungoiko zarela:
Aita bezain Jaungoiko,
gizon geu bezala.
Gizatasun ohiaren
lainotan sarturik
ez duzu agerian
Jaungoiko-zantzurik.
Gizon izatearen
ezin eta neke
guztia jasan duzu,
arras jasan ere.
Horregatik zaitugu
Maisu ta gidari,
salbamen ederreko
Hitz eta Haragi.
Edizio kritikoa: Paulo Agirrebaltzategi
