Literatur idazlanak
Ik. Olerkiaren konposizio grafikoa .pdf formatuan
HGBN^
Euskalerriko
mahasti-zaleei bai
kantatzen diet.
Mahats-ondoak
landatzen
dituzte
erripan,
egutera.
Erripan,
mahats-parralak
jasotzen dituzte,
ta, haietan kateatu
mahats-ondoen aihenak
altu,
ez ditzan hondatu
lurreko lurrunak.
Mahats-egurrak sartu
—makurtu—,
pertikak gurutzatu
—urratu—;
mahats-ondoak atxurtu
—makurtu—;
mahats-ondoak sulfatatu
—zutitu—;
[behin eta hiru aldiz atxurtu
—makurtu—
behin eta hiru aldiz sulfatatu
—zutitu—] (1)
parralak zutik zaitu...
neke-egurrak hartu,
neke
ez kontatu
asko altxatu,
mahats-ondorik lurrunak
ez dezan gorrindu,
berindu,
galdu.
Euskalherriko
mahats-zaleei bai
kantatzen diet.
Herriko ardoa
ontzen baidute
neke
askoren truke;
merke
asko saltzeko
bada
ere.
