Literatur idazlanak
HGB1E^
Eta orduan Herriko seme batek otoitz hau egin zuen: [I]
Itxi iezazkidazu ezpainok, Jauna,
ez bait dut nahi erdaraz
zure izenik goraipa.
Nahitaez (1) sartu ziguten hizkuntzan
behar bazaitut goratu,
itxi iezazkidazu ezpainok, Jauna.
Ez bait zaitut nahi nere hizkuntza
kabitik bota zuen kanpoko
hegaztiaren kantuz aipatu,
itxi iezazkidazu ezpainok, Jauna.
Gure mintzaira biluzi hau
destainuz arbuiatzen dutenekin
ez dut nahi ahorik zabaldu.
Itxi iezazkidazu ezpainok, Jauna.
Nola behar dizut aita-izenik eman,
nola salbatzaile deitu
morrontzan gauzkatenen hizkuntzan? (2)
[Itxi iezazkidazu ezpainok, Jauna.]
Ahaltsuen hizkuntza ospetsuan
ez natzaizu hizketan hasiko
osperik ez duen Herri-hondakin
baztertu honen izenean.
Itxi iezazkidazu ezpainok, Jauna.
Handikiengana itzuli ziren
harro eta ergelen hizkuntzan
ez dut nahi salmorik abestu.
Itxi iezazkidazu ezpainok, Jauna.
Herriko hondakin honen hizkuntza zapal
apaldu honetan, zapalduekin batean
goratu ezin baldin bazaitut,
itxi iezazkidazu ezpainok, Jauna.
