Literatur idazlanak
ELRG^
...Zuk bear nozu
zeure zeruko
zorionean...
Ta ni,
belauniko
gorputz ta pentsamentu,
zeure aurrean.
Begiok,
bakarrik,
zutunik,
zeure arrizko
irudi geldira,
zabalik.
Belauniko,
luzaro,
orduak eta ni
zeure aurrean.
Eta zuk,
zeure arrizko
irudi zaarretik,
barre dagidazu,
gozokiro,
zeure arrizko
barre triste ta
betikoz.
Bearreko nozu
zeure zeruko
zorionean.
Ta ni,
zeure aurrean nago, (1)
belauniko,
galdu etzagidazan...,
neure barreneko
ametsezko jantziz,
zure arrizko
irudia jazten
dakidan zeure egiz.
Ain zaitut bearreko,
neure maite ori,
neure ondoan
egi zoriontsu guztiz!
...Ta nik zu baņo,
ainbat bear zaitudan
neure bear gozo,
zeuk nozu bearrago!
Edizio kritikoa: Paulo Agirrebaltzategi
