Literatur idazlanak
ARAN^
Izakiz gora indarrez
Natura, dohain azkarrez,
sormenetik datorkien
bizitza ondu beharrez,
Natura, dohain azkarrez.
Kimu berritan haritza,
onets dezagun bizitza,
bere omenetan jasoz
kantu ta estimu-hitza;
onets dezagun bizitza.
Izateari ospea,
zabala da pozbidea:
bizitzak eskaintzen digun
direnen lagunartea.
Zabala da pozbidea.
Edertasun irekian
gauzak baiezpen handian
eragin ezkutuaren
ritmo zahar eta berrian
gauzak baiezpen handian.
Zorion, izadiari;
oles, loretu denari,
sormenaren eskarira
bizitza dakarrenari!
Oles, loretu denari!
Eragina ta arnasa
izadiaren konpasa;
udaberriak altzoan
erperantzazko mataza:
izadiaren konpasa.
Edizio kritikoa: Paulo Agirrebaltzategi
