Literatur idazlanak
ARAN^
Santu sendo ta santu gozoa
Asis-tar Aita Prantzisko.
Lurrean oiñak, begiak goian,
eskuak laguntzarako.
Jaungoikoz bete, Jaungoikoz beti,
beti maitasun aundiko,
maitasunera deitu ginduan
zorion-bide dalako.
Gauza ta gizon anai zituan:
Jauna danaren Egille.
Anai pobrea, anai zalduna,
anai otso-tzar ta arkume.
Bendiziozko begiratuaz
danentzat zuan mesede.
Aita Prantzisko, zure onetik
zerbait bagendu guk ere!
Aita Jainkoa danen Aitatzat
ezagutuko bagendu,
Arez [sic] egiñak geran ezkero
Arenak gauzak eta gu!
Alkar arteko anai-bizitza
guregan piztu ezazu,
anai gizonak gizon anai ta
gauz oro ditzan maitatu.
Jaunarekiko zintzotasuna
sendotu zazu guregan.
Alkarganako gozorik ere
ez degu-eta zuk eman.
Jaungoikoz bete, Jaungoikoz beti,
beti maitasun-galdatan:
deitu ginduzun maitasunera
gaitzazu, arren, eraman.
