Literatur idazlanak
L2G^
Talde-giroan aditu dugu
Berri Onaren grazia: [I]
maitasunera deitzen gaituen
bizi-programa zelaia.
Gure pausoek, gure begiek
badute bide argia:
elkarrentzako irekitasun
ta laguntza alaia.
Famili berri baten sorreran
zein jarraikizun hoberik,
garretan duten suari eutsi
egunez egun bizirik!
Elkarganako tarte gabe ta
besteenganako zabalik
Berri onaren deiak ez die
eskatzen beste gauzarik.
Gure pozaren erdian daude
biak elkarren alboan,
gure arnasak lagun bezaie
emango duten pausoan.
Gaurko argiak argi ditzala
bizitza luze osoan
elkarren onez goza ditezen
maitasun handi, gozoan.
Edizio kritikoa: Paulo Agirrebaltzategi
