Literatur idazlanak
GRZ^
Frantziskotar Hirugarrendarra
Gizonezkoa nahiz emakumezkoa
Asisko Serafinaren
espirituak zintuen
itzarri ta liluratu,
geroztik haren antzera
bizitzen zinen saiatu,
Jaunaren laguntzarekin.
Hortxe ikusten zaitugu,
Ebanjelio bidean,
Kristoganantz, bihotz handiz,
haren pausoak jarraituz,
haren gisara ibiliz,
Jaunaren laguntzarekin.
Mundukoez biluzturik,
Kristo irudikatzea
zenuen helburu bakar,
Kristoren asmo beretan
erraustea su eta gar,
Jaunaren laguntzarekin.
Zeure buruaz ahazturik,
hor begiesten zaitugu, (1)
maitasuna besterentzen,
inorentzako bizitzen,
inoren alde nekatzen,
Jaunaren laguntzarekin.
Gorputzez eta arimaz
Kristori guztiz emana,
maitasunezko opari,
harekiko su bizitan
xahutu zinen argizari,
Jaunaren laguntzarekin.
Esker on aintza Aitari,
aintza bera Semeari,
aintza Espirituari; (2)
aintza eta esker ona
Jainko gure laguntari [laguntzaile]
Hirutasun Santuari.
Amen.
