Literatur idazlanak
GRZ^
Eguneroko ofizioa
Bezperak-II
Aita Frantzisko, pozaren
sekretua dakizuna,
irakats iezaguzu
zinezko alaitasuna:
non den zorion-atea,
non alaitasun betea.
Non dagoen maitasuna
hantxe dago eskaintza,
maitasunezko eskaintzan
ematen da bizitza;
bizitza maitasunean
opari eskaintzean
sumatzen da non dagoen
alaitasun-atea,
maitasun-eskaintzan dago
alaitasun betea.
Aita Frantzisko, pozaren
sekretua dakizuna,
irakats iezaguzu
zinezko alaitasuna:
non den zorion-atea,
non alaitasun betea.
Aberastasunak badu
zerbait eskas duenik,
atseginak badu zerbait
dena atsegin ez denik,
handikerian ez dago
uste puztua baizik;
apaltasunean dago
alaitasun-atea,
bihotz-apalak badaki
alaitasun betea.
Aita Frantzisko, pozaren
sekretua dakizuna,
irakats iezaguzu
zinezko alaitasuna:
non den zorion-atea,
non alaitasun betea.
Jaunak sinalatua du
alaitasun bidea:
dohainik eman zaiguna
dohainik ematea;
zabal izatean dago
zeruko jakitea.
Eman guztizkoan dago
alaitasun betea.
Hurkoei maitasuna ta
Jainkoari ospea. (1)
Aita Frantzisko, pozaren
sekretua dakizuna,
irakats iezaguzu
zinezko alaitasuna:
non den zorion-atea,
non alaitasun betea.
Amen.
